1. اصلی صفحہ
  2. جہان
بدھ 29 جنوری 2020 - 21:13
دشمن نہیں چاہتے کہ مسلمان نوجوان میدان عمل میں رہیں، زینب سلیمانی

دشمن نہیں چاہتے کہ مسلمان نوجوان میدان عمل میں رہیں، زینب سلیمانی

حوزہ/شہید قاسم سلیمانی کی بیٹی زینب سلیمانی نے لبنان کی عوامی تحریک حزب‌الله کے سیکریٹری جنرل سید حسن نصراللہ سے ملاقات کی۔

حوزہ نیوز ایجنسی کی رپورٹ کے مطابق شہید قاسم سلیمانی کی بیٹی زینب سلیمانی  سے ہونے والی ملاقات میں سید حسن نصراللہ  نے کہا کہ خداوند متعال نے جنرل قاسم سلیمانی کو جہاد اور شہادت جیسے عظیم مرتبے پر فائز کیا اور انھیں عزت کی موت نصیب ہوئی۔
شہید قاسم سلیمانی کی بیٹی زینب سلیمانی نے لبنان میں حزب اللہ کی خواتین ونگ اور لبنان کی ثقافتی انجمن کے زیر اہتمام جنوبی بیروت میں شہید قاسم سلیمانی کی یاد میں منعقد ہونے والے تعزیتی اجلاس میں شرکت اور خطاب کیا۔
تعزیتی اجلاس سےخطاب کرتے ہوئے زینب سلیمانی نے کہا کہ دشمن نہیں چاہتے کہ  مسلمان نوجوان میدان عمل میں رہیں لیکن دشمن اس قسم کے اپنے مذموم مقاصد میں کامیاب نہیں ہوں گے۔
واضح رہے کہ امریکی دہشت گردوں نے عراق میں بغداد ایئرپورٹ کے نزدیک تین جنوری کو ایک کارروائی کی جس میں سپاہ قدس کے کمانڈر جنرل قاسم سلیمانی، عراق کی عوامی رضاکار فورس الحشد الشعبی کے ڈپٹی کمانڈر ابو مہدی المہندس اور انکے چند ساتھیوں کو شہید کر دیا تھا ۔امریکی وزارت جنگ نے اس دہشتگردانہ حملے کی ذمہ داری قبول کرتے ہوئے اعلان کیا تھا کہ اس دہشت گردی کا حکم براہ راست امریکی سرغنہ ٹرمپ نے دیا تھا ۔دنیا کے بہت سے ممالک، شخصیات اور تنظیموں نے امریکی دہشت گردی کی سخت مذمت کی ۔

News ID:359473

لیبلز

آپ کا تبصرہ

You are replying to: .
captcha