حوزہ نیوز ایجنسی کی رپورٹ کے مطابق ممبئی کے کرلا ہلاو پل شیعہ جامع مسجد میں جنرل قاسم سلیمانی کے چہلم کے موقع پر انجمن گلشن علی کی طرف سے مجلس ایصال ثواب کا انعقاد کیا گیا۔ مجلس کا آغاز تلاوت کلام پاک سے ہوا اسکے بعد شعراء نے نظرانہ عقیدت پیش کیا اور اس کے بعد مجلس کو مولانا عقیل ترابی نے خطاب کیا۔ اس مجلس میں ایران کلچرل ہاوس کے ڈائرکٹر محسن آشوری نے بھی شرکت کی اور اپنی تقریر میں شہید جنرل قاسم سلیمانی کی جم کر تعریف کرتے ہوئے امریکہ کے خوف کی وجہ بھی بتائی، جس میں انہوں نے بتایا کہ امریکہ جتنا قاسم سلیمانی کی موجودگی میں ڈرا ہوا نہیں تھا اتنا انہیں شہید کرنے کے بعد ڈرا ہوا نظر آرہا ہے۔ آپکی تقریر کا ترجمہ مولانا عابد رضا قمی کر رہے تھے۔اطلاعات کے مطابق اس مجلس میں مولانا عسکری، مولانا عابد رضا رضوی، مولانا فرمان موسوی و مولانا  عمران نجفی موجود تھے۔
آخر میں تمام شرکاء کا شکریہ ادا کیا گیا۔