۲۵ فروردین ۱۴۰۳ |۴ شوال ۱۴۴۵ | Apr 13, 2024
صفی حیدر

حوزہ/تنظیم المکاتب کے سکریٹری مولانا سید صفی حیدر نے بیان جاری کرتے ہوئے کہا کہ رہبرکبیر انقلاب، بانی اسلامی جمھوریہ ایران حضرت آیت اللہ العظمی سید روح اللہ موسوی خمینی قدس سرہ کی عظیم قیادت نے انسانیت پر ظلم و ستم کرنے والے شاہی نظام کا تختہ پلٹ کر عادل فقیہ کے زیر نگرانی اسلامی جمھوری نظام قائم کیا تا کہ انسانی اقدار کی پاسبانی ہو اور اللہ کے بنائے نظام کو نافذ کر کے زمین سے ظلم و ستم کا صفایا کیا جا سکے۔

حوزہ نیوز ایجنسی کی رپورٹ کے مطابق اسلامی انقلاب کی کامیابی کی اکتالسویں سالگرہ کی مبارک باد عالم اسلام کی خدمت میں پیش کرتے ہوے تنظیم المکاتب کے سکریٹری مولانا سید صفی حیدر نے بیان جاری کیا کہ رہبرکبیر انقلاب، بانی اسلامی جمھوریہ ایران حضرت آیت اللہ العظمی سید روح اللہ موسوی خمینی قدس سرہ کی عظیم قیادت نے انسانیت پر ظلم و ستم کرنے والے شاہی نظام کا تختہ پلٹ کر عادل فقیہ کے زیر نگرانی اسلامی جمھوری نظام قائم کیا تا کہ انسانی اقدار کی پاسبانی ہو اور اللہ کے بناے نظام کو نافذ کر کے زمین سے ظلم و ستم کا صفایا کیا جا سکے اور کمزوروں کا استحصال بند ہو، اس انقلاب سے ایسا نور پھیلا جس نے نہ صرف ایران بلکہ دنیا کے تمام مظلوموں کو قوت دی اور انکو ظالم کے خلاف احتجاج کا حوصلہ بخشا۔ 
سکریٹری تنظیم المکاتب نے فرمایا انقلاب سے قبل عالمی استکبار پوری دنیا میں بغیر کسی روک ٹوک کے من مانی کر رہا تھا لیکن یہ اسلامی انقلاب کی برکت ہے کہ آج صرف عرب علاقہ نہیں بلکہ دنیا بھر کے مظلوم ظالموں سے ڈٹ کر مقابلہ کر رہے ہیں اسی لئے عالمی استکبار اس مقدس انقلاب کو اپنی آنکھ کا کانٹا سمجھ رہا ہے۔ 
سربراہ تنظیم المکاتب نے کہا کہ انقلاب نے عالم انسانیت کو انسانی اقدار پر جینے کا ہنر دیا، اور حصول حکومت کے اصلی مقصدکو دنیا کے سامنے پیش کیا کہ اسلام حکومت و سیاست کو وسیلہ اور ذریعہ، اور  خدا و بندگان خدا کے حقوق کی ادائگی کو مقصد اور اپنا نصب العین سمجھتا ہے۔ 
مولانا صفی حیدر صاحب قبلہ نے فرمایا رہبر انقلاب دام ظلہ کی مدبرو بصیرقیادت میں امریکہ اور اسرائیل کی  انسانیت دشمن سازشوں اور انکے زرخرید داعش جیسے دھشت گرد گروہوں کی شکست فاش اسی انقلاب کے برکات و آثار میں شامل ہے۔ شہید جنرل قاسم سلیمانی اور شہید ابو مھدی المھندس اسی مکتب انقلاب کے ہونہار شاگرد اور اسلامی نظام کے سپاہی تھے جنھوں نے عالمی دھشتگردی کا زندگی بھر مقابلہ کیا اور اسی مقابلہ میں شھید ہوئے،ہر انسانیت دوست کا اخلاقی فریضہ ہے کہ وہ اس نظام کی حمایت کرے اور اسکی بقا اور دشمنوں کے شر سے حفاظت کی دعا کرے۔

لیبلز

تبصرہ ارسال

You are replying to: .

تبصرے

  • سید ابرار حسین IN 18:27 - 2020/02/12
    0 0
    میں اس پیج میں ایڈ کرین