حوزہ نیوز ایجنسی کی رپورٹ کے مطابق حوزہ علمیہ قم کی اعلی سطح کونسل کے آٹھویں مرحلے کا پہلا اجلاس جامعہ مدرسین حوزہ علمیہ قم(علماء و اساتذہ کی انجمن) کے دفتر میں منعقد ہوا ۔جس میں اس کونسل کے تمام اراکین نے متفقہ طور پر آیت اللہ اعرافی کو آئندہ چار سال کے لیے حوزہ علمیہ قم اور ایران کے دینی مدارس کا مدیر منتخب کیا جبکہ آیت اللہ حسینی بوشہری کو بھی اتفاق رائے سےحوزہ علمیہ کی اعلی سطح کونسل کے جنرل سکریٹری اور آیت اللہ جوادی مروی کو ڈپٹی سیکرٹری جنرل منتخب کیا گیا ۔
واضح رہے کہ حجت الاسلام والمسلمین رحیمیان کا حوزہ علمیہ قم کی اعلی سطح کونسل کے دفتر کے انچارج کے طور پر انتخاب بھی عمل میں آیا۔
04:38 - 2020/07/06