حوزہ نیوز ایجنسی کی رپورٹ کے مطابق، حضرت امام حسین علیہ السلام اور حضرت عباس علیہ السلام کی یاد علیگڑھ مسلم یونیورسٹی کے جواہر لال نہرو میڈیکل کالج کی او پی ٹی گیٹ کے سامنے میں مفت غذائی اشیاء کی تقسیم عمل میں آئی۔
علی گڑھ تھانہ سول لائن کے علاقے میں شربت، حلوہ اور پانی تقسیم کیا گیا جس کا مقصد امن و امان اور بھائی چارگی کا پیام دینا تھا۔ اس موقع پر شاہد حسین نے بتایا کہ یہاں ایک سبیل لگائی گئی اور لوگوں میں مفت غذائی اشیا کو تقسیم کیا گیا۔ انہوں نے کہا کہ امام حسین علیہ السلام نے دنیا کو امن و سلامتی کا پیعام دیا تھا۔
غذائی اشیا لوگوں میں تقسیم کرنے والے سید ندیم اکبر زیدی نے بتایا کہ آج عباسؓ کی ولادت کا دن ہے، اسی خوشی کے موقع پر ہم شربت، پانی اور حلوہ لوگوں میں تقسیم کر رہے ہیں تاکہ ملک میں خوشحالی و امن برقرار رہے۔
