حوزہ نیوز ایجنسی کی رپورٹ کے مطابق،خیرپور/ جامعہ امام علی علیہ السلام کنب ضلع خیرپور میں نظام ولایت و امامت کانفرنس منعقد ہوئی کانفرنس سے بزرگ عالم دین علامہ سید ارشاد حسین نقوی مجلس وحدت مسلمین پاکستان کے مرکزی ترجمان علامہ مقصود علی ڈومکی علامہ ذوالفقار علی مفکری مدرسہ امام علی علیہ السلام کے پرنسپل علامہ محمد نقی حیدری ایم ڈبلیو ایم کے ضلعی سیکریٹری تربیت علامہ نبی بخش دانش شیعہ علما کونسل کے ربنما جناب اسد علی شر مولانا یاسین علی کمیلی اصغریہ آرگنائزیشن پاکستان کے مرکزی رہنما فضل حسین اصغری نے خطاب کیا۔
تصویری جھلکیاں: خیرپور میں نظام ولایت و امامت کانفرنس کا انعقاد
اس موقع پر کانفرنس سے خطاب کرتے ہوئے علامہ مقصود علی ڈومکی نے کہا کہ قرآن کریم نے علم کی اہمیت بیان کرنے کے ساتھ ساتھ اہل علم کی طرف رجوع کرنے کا حکم دیا ہے جاھل کا عالم کی طرف رجوع کرنا حکم قرآن ہے اور تقلید قرآن سنت اور عقل سے ثابت ہے۔ انہوں نے کہا کہ ولایت فقیہ عصر غیبت میں اللہ اور اس کے رسول و اہل بیت علیہم السلام کی اطاعت کا نام ہے جو ولایت فقیہ کو نہیں مانتے وہ اپنی عملی زندگی میں ولایت طاغوت کو تسلیم کر چکے ہیں۔
اس موقع پر کانفرنس سے خطاب کرتے ہوئے علامہ سید ارشاد حسین نقوی نے کہا کہ فقیہ عادل جامع الشرائط کی تقلید کرنا حضرت امام حسن عسکری علیہ السلام کے فرمان سے ثابت ہے آئمہ اہل بیت نے ہمیں زمانہ غیبت کبری میں فقیہ عادل کی طرف رجوع کرنے کا حکم دیا ہے
کانفرنس سے خطاب کرتے ہوئے جامعہ امام علی علیہ السلام کے پرنسپل علامہ محمد نقی حیدری نے کہا کہ نظام ولایت و امامت کانفرنس کے ذریعے مرجعیت تقلید اور ولایت فقیہ کے عنوان سے کانفرنس کا انعقاد خوش آیند ہے جس میں فتنہ گر غیرمہذب افراد کے شبہات اور اعتراضات کا علمی جواب دیا جارہا ہے جو عوامی بصیرت کا باعث ہے۔
کانفرنس میں ایم ڈبلیو ایم کے ضلعی سیکریٹری جنرل مولانا صفدر علی ملاح سابقہ چیٸرمین رٸیس نثار علی چانڈیو میر ٹالپر سید زین العابدین شاہ و دیگر شریک تھے۔
