حوزہ نیوز ایجنسی کی رپورٹ کے مطابق،ہندوستان میں توہین رسالت ص کے خلاف یمن کے دارالحکومت صنعا میں احتجاجی مظاہرہ کیا گیا۔

المسیرہ ٹی وی کی رپورٹ کے مطابق ہندوستان میں بی جے پی لیڈروں کے ہاتھوں پیغمبر اسلام ص کی شان اقدس میں ہونے والی گستاخی کے خلاف یمن کے صوبے صنعا کے مختلف علاقوں کے لوگوں نے احتجاجی اجتماع منعقد کیا۔

مظاہرین نے اعلان کیا کہ امت مسلمہ توہین رسالت ص کے خلاف مناسب وقت اور مناسب مقام پر ردعمل کا اظہار کرنے کا حق محفوظ رکھتی ہے۔

مظاہرین نے اعلان کیا کہ ہندوستان میں اس قسم کا جرم کر کے اس بات کو ثابت کر دیا گیا کہ ہندو بھی یہود و نصاری کی طرح مسلمانوں کے خلاف ایک ہی محاذ پر لڑ رہے ہیں۔

احتجاجی مظاہرین نے اپنے اجتماع میں اسلام و مسلمین کے دشمنوں کے خلاف نعرے لگائے اور مذہبی مقدسات کا احترام کئے جانے کا مطالبہ کیا۔