حوزہ نیوز ایجنسی کی رپورٹ کے مطابق، مجلس وحدت مسلمین اور آئی ایس او جعفرطیاریونٹ کےزیراہتمام شہدائے پاکستان وفاتح ِعراق وشام سردارِ رشید ِاسلام شہید حاج قاسم اور ان کے رفقاء کی تیسری برسی کی مناسبت سے دعائیہ تقریب اور چراغاں کا اہتمام مین مرکزی روڈ جعفرطیارسوسائٹی میں پر کیا گیا۔ جس میں ایم ڈبلیوایم ضلع ملیر کے سینئر نائب صدر و پیش نماز مسجد زینبیہ (س) غازی ٹاؤن مولانا گلزار حسین شاہدی نے تلاوت کلام پاک کی سعادت حاصل کی۔
ایم ڈبلیوایم صوبہ سندھ کے نائب صدر حجت الاسلام علامہ مختاراحمد امامی صاحب، صدر ایم ڈبلیوایم ملیر سید احسن عباس رضوی نے خطاب کیا۔
علامہ مختارامامی نے شہداء کی مقاومتی جدوجہد دفاع حرم ہائے اہل بیت (ع) اور اصحاب کرام پر گفتگو کی اور کہا: مدافعینِ حرم نے ناصرف شیعہ سنی بلکہ غیر مسلموں کو بھی داعشی فتنے سے نجات عطا کی۔
انہوں نے مصائب اہل بیت علیہم السلام بھی بیان کئے جبکہ دستہ امامیہ کے صاحب بیاض سید احسن مہدی نے ترانہ شہادت پیش کیا۔
حاضرین نے چراغ روشن کرکے شہداءکو خراج تحسین پیش کیا۔ اس موقع پر سماجی رہنما اختیارامام رضوی، مرکزی تنظیم عزاداری کے مرکزی رہنما حیدر حسنین، آئی ایس او جعفرطیاریونٹ کے صدر علی غازی سمیت دیگر سینئر و جونیئر اراکین، پیام ولایت فاؤنڈیشن کے رہنما آصف رضا جعفری اور ایم ڈبلیوایم ضلع ملیر کے نائب صدر مولانا بلاول حسین فائزی، ثمر سعید رضوی، قیصرعباس زیدی، حسین حیدررضوی، رضا حیدر زیدی، ظہیرعباس رضوی، جعفرطیاریونٹ کے صدر محمد علی زیدی، نائب صدر کاظم نقوی ودیگر اراکین سمیت مومنین کی کثیر تعداد شریک تھی۔
آخر میں شہید سردار کی انقلابی جدوجہد پر مبنی ڈاکومنٹری ویڈیو بھی نشر کی گئی۔
