رپورٹ: مجید الاسلام شاہ

حوزہ نیوز ایجنسی | امریکی خزانے میں حکومتی اخراجات کے صرف 15 دن باقی ہیں۔ امریکی محکمہ خزانہ اور وزارت خزانہ کے مطابق، اگر قرض لینے کی زیادہ سے زیادہ حد میں اضافہ نہ کیا گیا تو یکم جون کے بعد حکومتی اخراجات ادا کرنے کا کوئی طریقہ نہیں رہے گا۔

اس صورت میں ملک مالی طور پر دیوالیہ ہو سکتا ہے۔ وزیر خزانہ جینٹ ییلن نے امریکی کانگریس کو لکھے گئے خط میں یہ انتباہ کیا۔

خبر رساں ادارے روئٹرز کے مطابق امریکی وزیر خزانہ جینٹ ییلن نے گزشتہ دو ہفتوں میں دو بار امریکی کانگریس کو خط لکھ کر اس حوالے سے تشویش کا اظہار کیا ہے۔

اپنے تازہ ترین خط میں، اُنہوں نے نوٹ کیا، امریکی محکمہ خزانہ جون کے اوائل کے بعد تمام سرکاری اخراجات کو پورا کرنے میں ناکام ہو سکتا ہے۔ جس کا سیدھا مطلب ہے کہ امریکہ اپنی تاریخ میں پہلی بار دیوالیہ ہو سکتا ہے۔

جینیٹ ییلن نے اپنے خط میں کہا کہ اس صورتحال میں اگر یکم جون تک امریکہ کی زیادہ سے زیادہ قرض لینے کی حد میں اضافہ نہ کیا گیا تو امریکہ کو شدید خطرات لاحق ہو جائیں گے۔

قبل ازیں، جینیٹ ییلن نے گزشتہ 1 مئی کو کانگریس کو بتایا تھا کہ محصولات اور دیگر ذرائع سے حاصل ہونے والے ڈیٹا کی بنیاد پر، 1 جون کو حکومتی بلوں کی ادائیگی کے لیے ٹریژری کے پاس ممکنہ طور پر نقد رقم ختم ہو جائے گی۔

منگل کو امریکی کانگریس کو لکھے گئے ایک خط میں، جینیٹ ییلن نے اشارہ کیا کہ دیوالیہ ہونے کے لیے اس نے اپنے 1 مئی کے خط میں جس تاریخ کا ذکر کیا ہے اس سے زیادہ دن یا ہفتے بھی لگ سکتے ہیں۔

انہوں نے خط میں کہا کہ وہ اس بارے میں مزید واضح اور تفصیلی معلومات آئندہ ہفتے دیں گے۔ دریں اثنا، امریکی صدر جو بائیڈن G-7 سربراہی اجلاس میں شرکت کے لیے بدھ (17 مئی) کو جاپان جائیں گے۔ وہ وہاں تقریباً ایک ہفتہ گزاریں گے۔

اس وقت وہ آسٹریلیا کے ساتھ ساتھ جاپان کا بھی دورہ کریں گے۔ امریکی کانگریس کے اسپیکر کیون میکارتھی نے پیر کو کہا کہ اس سلسلے میں کوئی پیش رفت نہیں ہوئی ہے۔