حوزہ نیوز ایجنسی کی رپورٹ کے مطابق، وارانسی ڈسٹرکٹ کورٹ کے بدھ کو سنائے گئے فیصلے کے بعد انتظامیہ نے گیانواپی مسجد کے تہہ خانے میں پوجا کے انتظامات کیے ہیں۔

بدھ کو عدالت کے اس فیصلے کے فوراً بعد جمعرات کی صبح گیانواپی مسجد کے احاطے میں واقع ویاس تہہ خانے میں پوجا شروع ہو گئی، آج سے ٹھیک 38 سال پہلے 1986 میں ایودھیا میں بابری مسجد کا تالا یکم فروری کو کھولا گیا تھا۔

عدالت نے اپنے حکم میں لکھا ہے: ضلع مجسٹریٹ وارانسی کو ہدایت دی جاتی ہے کہ سوٹ پراپرٹی کو سیٹلمنٹ پلاٹ نمبر 9130، وارانسی میں واقع عمارت کے جنوب میں واقع تہہ خانے میں جمع کرائیں، مدعی اور کاشی وشواناتھ ٹرسٹ بورڈ اور پجاری تہہ خانے میں واقع مورتیوں کی پوجا شروع کریں۔

عدالت نے انتظامیہ کو اس حکم پر عمل درآمد کے لیے 7 دن کا وقت دیا تھا تاہم انتظامیہ نے اگلے ہی دن اس پر عمل درآمد شروع کر دیا، تاہم مسجد کی جانب سے ضلعی عدالت کے فیصلے کو الہ آباد ہائی کورٹ میں چیلنج کرنے کا اعلان کیا گیا ہے۔