حوزہ نیوز ایجنسی کے مطابق، آج پورے ملک میں 22 بہمن 1402شمسی مطابق گیارہ فروری 2024ء کو ایران کے اسلامی انقلاب کی کامیابی کی 45ویں سالگرہ منائي جا رہی ہے۔ اسلامی انقلاب کی کامیابی کی سالگرہ کے موقع پر پورے ملک میں مختلف تقریبات اور ریلیوں کا انعقاد ہو رہا ہے۔
اس سلسلے میں دارالحکومت تہران میں عظیم ریلی کا انعقاد ہوا۔ جس میں لاکھوں کی تعداد میں لوگوں نے شرکت کر کے انقلاب اسلامی سے محبت اور ملی یکجہتی کا ثبوت دیا۔
رپورٹ کے مطابق انقلاب اسلامی کے جشن کی تقریبات میں خاص طور پر موٹر سائیکل اور کار ریلیاں بھی قابل ذکر ہیں جن میں عوام نے بڑی تعداد میں اپنی موٹرسائیکلوں اور ذاتی گاڑیوں کے ساتھ شرکت کی۔
قابل ذکر ہے کہ 21 بہمن کی گذشتہ رات کو پورے ایران میں نور افشانی بھی کی گئی تھی۔ رات کے 9 بجے ایرانی غیور اور بہادر عوام نے گھروں کی چھتوں پر چڑھ کر "تکبیر" کے نعرے بلند کئے اور انقلاب اسلامی کی 45 ویں سالگرہ پر خوشی اور مسرت کا اظہار کیا۔
