حوزہ نیوز ایجنسی مطابق، لبنان میں "قولنا و العمل" تحریک کے سربراہ شیخ احمد القطان نے کہا: ہمارے بزرگوں کی شہادت ہمارے لئے عزت و افتخار کی علامت ہے ۔
انہوں نے کہا: شہادت ایسا افتخار ہے جس کی ہر مومن کی قدر کرتا ہے اور تحریک حماس کے سیاسی دفتر کے سربراہ اسماعیل ھنیہ کا قتل ان کے خاندان، تحریک اور اس کرہ ارض پر ان کے ہر حامی اور طرفدار کے اس ظالم اور مغرور صہیونیت سے مقابلہ کرنے میں عزم و ارادہ کے استحکام اور اضافہ کا سبب ہے۔
شیخ احمد القطان نے مزید کہا: عراق ہو یا یمن یا پھر لبنان و عراق سے باہر دنیا بھر کہیں بھی مقاومتی لیڈروں کا قتل اس محور اور ہدف پر ہمارے حوصلہ اور وابستگی میں اضافہ کا سبب بنتا ہے۔
انہوں نے کہا: ہمیں اس وقت مقاومتی محور کی بھرپور حمایت پر مبنی اپنے مضبوط موقف کا اعلان کرنا چاہیے اور امریکی صہیونی دشمن کے خلاف تمام مزاحمتی تحریکوں کی پشت پر ہونا چاہیے اور ہمیں یقین ہے کہ ان مظالم کا ردعمل دشمنوں کے لئے انتہائی دردناک ہو گا۔
