حوزه نیوز ایجنسی کے مطابق، آیت الله مہدی شب زنده دار نے 31 اکتوبر 2024ء کو مدرسہ علمیہ امام کاظم (ع) قم میں منعقدہ بین الاقوامی کانفرنس "مبانی فقهی بیانیه گام دوم انقلاب اسلامی" کی اختتامی تقریب میں حکومت اسلامی کی خصوصیات پر روشنی ڈالی۔
انہوں نے مقام معظم رہبری کی جانب سے بیانیہ گام دوم انقلاب اسلامی (2018ء میں انقلاب اسلامی کی 40ویں سالگرہ کے موقع پر رہبر انقلاب کی جانب سے جاری کیا گیا بیانیہ جس میں انہوں نے عوام خصوصاً جوانوں کو مخاطب کرتے ہوئے گذشتہ چالیس سال کی پیشرفت کو انقلاب اسلامی کی اساس پر مزید آگے بڑھانے پر تاکید کی) کے متعلق علمی کام کی اہمیت پر زور دیتے ہوئے کہا: اس بیانیے کی اہمیت کے پیش نظر ضروری ہے کہ حوزہ علمیہ کے اساتذہ بھی اپنے دروس کے بعض حصے کو اس بیانیے کے قیمتی مضامین کی طرف توجہ دینے کے لیے مختص کریں۔
حوزہ علمیہ کے اعلیٰ کونسل کے رکن نے مقام معظم رہبری مدظلّہ العالی کی وسیع فکری اور علمی بصیرت کی طرف اشارہ کرتے ہوئے کہا: مقام معظم رہبری نوجوانی سے ہی اسلام کے مختلف پہلوؤں کو سمجھنے میں کامیاب رہے ہیں۔
انہوں نے کہا: ہم اللہ کا شکر ادا کرتے ہیں کہ امام راحل (قدس سرہ) کے بعد اس قوم کو ایسا رہبر نصیب ہوا جس کی سربراہی میں ان شاء اللہ یہ انقلاب اپنی اعلیٰ منازل کو طے کرتے یہ پرچم حضرت ولی عصر عجل الله تعالی فرجه الشریف کے ہاتھوں میں پہنچے گا۔
