حوزہ نیوز ایجنسی کی رپورٹ کے مطابق، حجت الاسلام و المسلمین مہدی مہدوی پور نے آج قم میں منعقدہ حوزہ نیوز ایجنسی کی اردو زبان کی سائٹ کی افتتاحی تقریب کے موقع پر ایک تقریر میں کہا کہ آج حوزہ علمیہ قم ، مختلف سطحوں کے دسیوں ہزار طلباء اور ہزاروں اساتذہ کے ساتھ، اسلامی اور انسانی علوم کی مختلف جہتوں میں عظیم علمی کارنامے حاصل کر چکا ہے ، جبکہ ویٹیکن نصف صدی سے زیادہ عرصے سے سوچ ،نظریات اور افکار پیدا کرنے میں غیر فعال  ہے۔

انہوں نے کہا کہ میڈیا کی اہمیت اس قدر ہے کہ ہمیں 30 سال قبل ایک نیوز ایجنسی اور میڈیا کو مرتب کرنا چاہیے تھا ، ایسا ہوتا تو آج ہم درجنوں غیر ملکی زبانوں کی سرگرمیوں کا مشاہدہ کر رہے ہوتے ۔ میڈیا حوزہ علمیہ  کی کامیابیوں کی زبان ہے۔حوزہ نیوز ایجنسی دیگر نیوز ایجنسیوں سے مختلف ہے جن کا سیاسی انداز اور سیاق و سباق موجود ہے ، کیونکہ حوزہ نیوز  دنیا میں مذہبی فکر کی آواز کی عکاسی کرتا ہے۔

دنیا مقام معظم رہبری کی عمیق فکر سے آگاہ ہونا چاہتی ہے:

حوزہ علمیہ کے استاد نے مزید کہا کہ  انقلاب اسلامی نے دنیا کے لئے ایک نیا راستہ دکھایا اور امام خمینی (رہ) اور رہبر معظم انقلاب کے خیالات و افکار کو گذشتہ 40 سالوں میں مذہبی تعاون اور آزادوں کے دل و دماغ میں ائمہ (ع) کے الفاظ کے متن سے دکھایا گیا ہے ،دنیا مقام معظم رہبری کی عمیق فکر سے آگاہ ہونا چاہتی ہے کیونکہ 40 سالوں سے ، عالمی استکبار اور ظلم کے ساتھ محاذ آرائی کے عالم میں رہبر معظم انقلاب  کے الفاظ وہی ہیں جو اس نے پہلے  کہا ہے اور آج بھی نہیں  بدلا ہے۔

انہوں نے کہا کہ بہت سے ہندو سیاستدان رہبر معظم انقلاب اسلامی کے الفاظ کا مشاہدہ کرتے ہیں اور ان کے عہدوں کو درست اور قائل سمجھتے ہیں، رہبر معظم انقلاب اسلامی عالمی سیاست سے بخوبی واقف ہیں ،  برصغیر کے حوالے سے ان کے تاریخی علوم بہت وسیع ہیں ،  ایران میں مقام معظم رہبری کی طرح کوئی بھی برصغیر کو نہیں جانتا ہے ۔

نمائندہ رہبر معظم انقلاب اسلامی نے بیان کیا کہ  اُردو زبان برصغیر میں ایک پرکشش زبان ہے ، کیونکہ اس سے قبل فوج اور فوجی اداروں میں استعمال ہوتی تھی  اور اس وقت فارسی زبان اکثر علاقوں اور جگہوں پر رائج تھی اور فارسی زبان کا بہت اہم کردار تھا ، لہذا آج ، برصغیر پاک و ہند  میں لاکھوں تاریخی دستاویزات فارسی میں موجود ہیں۔

انہوں نے اس بات کی طرف اشارہ کرتے ہوئے کہا کہ برطانیہ کے ذریعے ہندوستان کی نوآبادیات کے ساتھ ، فارسی زبان ، جو 800 سال کی سرکاری زبان تھی ، کی جگہ انگریزی اور ہندی نے لے لی ،آج ہندوستان کی نوجوان نسل انگریزی کو اپنی تعلیم کی زبان سمجھتی ہے ، اردو بول لیتی ہے لیکن   پڑھ نہیں سکتی ۔ 

حجت الاسلام و المسلمین مہدی مہدوی پور نے  ملت  ایران کے نظام میں برصغیر پاک ہند کے لوگوں کی دلچسپی کا ذکر کرتے ہوئے کہا کہ ہندوستانی معاشرے کے اسکالرز ، بزرگ اور اشرافیہ رہبر معظم انقلاب اسلامی  کے قول اور احکامات کی پیروی کرتے ہیں ، کیونکہ ان کا خیال ہے کہ رہبر معظم بنیادی اصولوں پر بات کرتے ہیں ، امریکہ کو اچھی طرح جانتے ہیں  اور عالمی مساوات کو اچھی طرح دیکھتے اور تجزیہ کرتے ہیں۔

نمائندہ رہبر معظم انقلاب نے اشارہ کیا کہ گذشتہ ادوار کے دوران ، ہندوستان کے مختلف حصوں میں ڈیڑھ سو سے زیادہ فقہا اور مجتہد موجود تھے ، جن میں سے 35 صاحب رسالہ (توضیح المسائل) تھے  اور ایسی بہت ساری طاقتیں موجود ہیں جن کو ہم ثقافتی ، مذہبی اور علمی شخصیات کے مطابق مستحکم کرسکتے ہیں۔ 

انہوں نے بین الاقوامی سطح پر حوزہ نیوز  کے لئے کچھ حکمت عملیوں کا ذکر کرتے ہوئے کہا کہ حوزہ نیوز کا مشن مسلمانوں میں اتحاد و یکجہتی پیدا کرنا ہے ، آج عالم اسلام کو پہلے سے کہیں زیادہ اتحاد کی ضرورت ہے اور حوزہ نیوز  کی آواز اسلامی مذاہب کے مابین لازمی طور پر ہونا چاہیے ، حوزہ نیوز کو اندرونی اختلافات کا اظہار نہیں کرنا چاہیے اور اسی طرح سے  بیرونی اختلافات کی حوصلہ افزائی نہیں کرنی چاہیے۔

حجت الاسلام و المسلمین مہدی  مہدوی پور نے اُردو  زبان کو شاعری اور ادب کی زبان قرار دیتے ہوئے مزید کہا کہ بین الاقوامی سطح پر  خصوصا برصغیر میں اہل بیت علیہم السلام کے ایام سوگ  میں ایرانی عوام کے جذبے کی عکاسی کرنے کے لئے حوزہ نیوز بہت موثر ثابت ہوسکتا ہے۔