حوزہ نیوز ایجنسی کی رپورٹ کے مطابق، غزہ کی وزارت صحت نے بتایا کہ 7 اکتوبر 2023 سے جاری اسرائیلی جارحیت کے نتیجے میں شہداء کی تعداد 44 ہزار 612 ہو گئی ہے، جب کہ 1 لاکھ 5 ہزار 834 افراد زخمی ہو چکے ہیں۔

اقوام متحدہ کی ایک حالیہ رپورٹ کے مطابق، غزہ جنگ کے شہداء میں 70 فیصد سے زیادہ خواتین اور بچے شامل ہیں، جو اس انسانی المیے کی سنگینی کو مزید اجاگر کرتا ہے۔

وزارت صحت نے مزید کہا کہ حقیقی تعداد اس سے بھی زیادہ ہو سکتی ہے، کیونکہ بہت سی لاشیں اب بھی تباہ شدہ عمارتوں کے ملبے تلے دبی ہوئی ہیں۔

یہ صورت حال بین الاقوامی برادری کے لیے فوری اقدام کی ضرورت پر زور دیتی ہے تاکہ غزہ کے عوام کو مزید جانی و مالی نقصان سے بچایا جا سکے۔