حوزہ نیوز ایجنسی کے مطابق، حوزہ علمیہ کی اعلیٰ کونسل کے رکن آیت اللہ محسن اراکی نے مسجد امام حسن عسکری (ع) قم میں منعقدہ ساتویں بین الاقوامی اعتکاف فیسٹیول کی اختتامی تقریب سے خطاب کرتے ہوئے کہا: اسلامی معاشرہ، تہذیب اور ثقافت کا ایک نقطہ آغاز اور انجام ہوتا ہے اور اس کی تشکیل امامت اور ولایت کی پیروی کے ذریعہ ہی ممکن ہے۔
انہوں نے کہا: امامت ہمیشہ انسانی معاشرے کی حرکت کا آغاز فراہم کرتی ہے اور اسلامی اور وحیانی نقطہ نظر کو مدنظر رکھتی ہے لہذا اس کا اختتام قربِ الٰہی پر ہونا چاہیے۔
مجلس خبرگان رهبری کے اس رکن نے مزید کہا: ایسا اسلامی معاشرہ جو اسلامی تہذیب کی وسعت کی جانب بڑھتا ہے امامت اور ولایت کی پیروی پر مبنی ہوتا ہے اور امامت کو اسلامی معاشرے کا مرکز اور بنیاد سمجھا جاتا ہے۔
آیت اللہ اراکی نے مزید کہا: امن و اتحاد امامِ عصر (عجل) اور ولایت کی پیروی میں مضمر ہے اور یہی پیروی اسلامی معاشرے اور تہذیبی بنیادی اساس ہے۔
انہوں نے کہا: تمام عبادات کو امامت کی اقتداء میں ادا ہونا چاہیے اور ان کا ولایت سے تعلق ہونا ضروری ہے۔ اگر خدا کے حکم پر عمل امامت کی پیروی کے بغیر ہو تو یقیناً یہ خدا کا حکم نہیں ہو سکتا۔
آیت اللہ اراکی نے کہا: اسلامی معاشرے کی بنیاد امامت اور ولایت کی پیروی میں ہے اور اعتکاف اسلامی معاشرے کی تشکیل میں نمایاں کردار ادا کرتا ہے۔ یہ عمل ایک ایسے معاشرے کے قیام کا ذریعہ بن سکتا ہے جو امن و سکون کا حقیقی مظہر اور دارالاسلام ہو۔
آپ کا تبصرہ