حوزہ نیوز ایجنسی کی رپورٹ کے مطابق،حماس نے غزہ جنگ بندی معاہدے کے تحت 4 اسرائیلی قیدیوں کی لاشیں ریڈ کراس کے ذریعے اسرائیل کے حوالے کر دیں۔ اسرائیلی قیدیوں کی لاشیں خان یونس سے ریڈکراس کے حوالے کی گئیں۔
ہلاک قیدیوں میں اسرائیلی خاتون شیری بیباس Shiri Bibas، ان کے 2 بچے اور اوڈید لفشٹز Oded Lifshitz شامل ہیں۔ چاروں قیدی اسرائیل بم باری میں مارے گئے تھے۔ اسرائیل نے ریڈ کراس کو لاشوں کی حوالگی کی تصدیق کر دی ہے۔
حماس کا کہنا ہے کہ اس نے قیدیوں کو زندہ رکھنے کے لیے جو کچھ ہوسکا، وہ کیا ہے۔ قیدیوں کی لاشوں کی حوالگی سے قبل سڑکوں پر ہجوم لگا رہا۔ اسرائیلی وزیرِاعظم نیتن یاہو نے آج کے دن کو اسرائیل کے لیے بہت مشکل اور غم کا دن قرار دیا ہے۔
دوسری جانب اسرائیل نے غزہ سے گرفتار کیے گئے 64 فلسطینیوں کے مقام سے متعلق معلومات جاری کر دیں۔ کمال عدوان اسپتال کے گرفتار ڈائریکٹر حسان ابو صافیہ کی بھی ویڈیو جاری کر دی گئی ہے۔
آپ کا تبصرہ