حوزہ نیوز ایجنسی کے مطابق، وزارت خارجہ ایران کے ترجمان اسماعیل بقائی نے ایران امریکہ بالواسطہ مذاکرات کے دوسرے دور کے بالواسطہ مذاکرات کی جگہ کے بارے میں لگائے جانے والے سبھی اندازوں کو مسترد کرتے ہوئے واضح کردیا ہے کہ یہ دور بھی مسقط میں ہی انجام پائے گا۔
رپورٹ کے مطابق انہوں نے کہا: مشاورتوں کے بعد طے پایا ہے کہ ایران امریکہ بالواسطہ مذاکرات کا دوسرا دور سنیچر 19 اپریل کو مسقط ميں ہی انجام پائے گا ۔
قابل ذکر ہے کہ ایران امریکہ بالواسطہ مذاکرات کا پہلا دور ہفتہ 12 اپریل کو عمان کی ثالثی میں مسقط میں انجام پایا تھا۔ ایٹمی مسئلے اور غیر قانونی ظالمانہ پابندیوں کے خاتمے کے موضوع پر ہونے والے ان بالواسطہ مذاکرات میں جمہوریہ اسلامی ایران کے وزیرخارجہ سید عباس عراقچی نے ایرانی وفد کی قیادت کی تھی۔ جس میں دفتر خارجہ کے ترجمان اسماعیل بقائی اور ایرانی وزير خارجہ کے معاون برائے سیاسی امور مجید تخت روانچی اور قانونی و بین الاقوامی امور کے معاون کاظم غریب آبادی بھی شامل تھے۔
آپ کا تبصرہ