حوزہ نیوز ایجنسی کی رپورٹ کے مطابق، حوزہ علمیہ کی اعلی کونسل کے سیکریٹری آیت اللہ شب زنده دار نے حوزہ و یونیورسٹی ریسرچ انسٹیٹیوٹ کے سربراہ حجت الاسلام والمسلمین محمد باقر سعیدی روشن سے ملاقات میں ان مراکز اور اداروں کی جانب اشارہ کیا جو خالص حوزوی نہیں ہیں لیکن ترقی اور پھیلاؤ کی راہ پر گامزن ہیں۔
انہوں نے مزید کہا: یہ مراکز بعض اوقات دیگر اداروں کے زیر نظر سرگرم عمل ہیں اور کسی نہ کسی درجے میں حوزہ کے سنجیدہ رقیب بن چکے ہیں، چاہے وہ سہولیات کے لحاظ سے ہوں یا اسناد کی فراہمی کے اعتبار سے اور ممکن ہے کہ یہ مراکز خالص حوزوی فضلاء کی نظر میں معتبر نہ ہوں اور رسمی حیثیت بھی حاصل نہ کر سکیں۔
آیت اللہ شب زنده دار نے کہا: کیا حوزات علمیہ میں یہ صلاحیت اور قابلیت نہیں کہ ان مراکز کو حوزہ کی طرف پلٹا سکیں؟ حالانکہ حوزہ یقینی طور پر اس صلاحیت کا حامل ہے۔
انہوں نے مزید کہا: حوزہ علمیہ کی پیشرفت، اس کے حقیقی کام اور فکری افکار دنیا کے لیے اب تک نامعلوم ہیں۔ ہمیں چاہئے کہ حدالامکان کوشش کریں حوزہ کو اس کی شایان شان صلاحیتوں کے ساتھ دنیا کے سامنے پیش کریں۔
آپ کا تبصرہ