حوزہ نیوز ایجنسی کی رپورٹ کے مطابق، جامعۂ مدرسین حوزۂ علمیہ قم نے سابق نمائندۂ ولی فقیہ صوبہ سمنان، آیت اللہ حاج سید محمد شاہچراغیؒ کے انتقالِ پُرملال پر صوبۂ سمنان کے عوام سے تعزیت کا اظہار کیا ہے۔
جامعۂ مدرسین حوزۂ علمیہ قم کی جانب سے جاری تعزیتی پیغام حسب ذیل ہے:
بسم اللہ الرحمن الرحیم
اِنّا للہ و اِنّا اِلَیہِ راجِعون
عالمِ باعمل، انقلابی اور عوام میں محبوب شخصیت حضرت آیت اللہ حاج سید محمد شاہچراغیؒ کے انتقال سے گہرا رنج اور افسوس ہوا ہے۔
ان کی درخشاں جدوجہد، اعلیٰ اخلاقی اوصاف، روحانی شخصیت اور عوام دوست طرزِ عمل اتحاد، ہم آہنگی اور معنویت کے فروغ کا باعث رہا۔
آیت اللہ شاہچراغیؒ نے برسوں تک نمائندۂ ولی فقیہ، امامِ جمعہ اور صوبۂ سمنان کی نمائندگی مجلسِ خبرگانِ رہبری میں انجام دی۔ اس دوران انہوں نے عالمانہ بصیرت، انقلابی عمل اور ولایتمدارانہ روش کے ساتھ گراں قدر اور دیرپا خدمات انجام دیں۔
جامعۂ مدرسین حوزۂ علمیہ قم اس پرہیزگار عالم اور صوبۂ سمنان کے روحانی والد کے انتقال پر وہاں کے معزز عوام، تمام پسماندگان، عقیدت مندوں اور رشتہ داروں—بالخصوص سردار شاہچراغی—کی خدمت میں دلی تعزیت پیش کرتا ہے اور خداوندِ متعال سے مرحوم کے درجات کی بلندی اور لواحقین کے لیے صبر و اجر کی دعا کرتا ہے۔
جامعۂ مدرسین حوزۂ علمیہ قم
آپ کا تبصرہ