حوزہ نیوز ایجنسی کی رپورٹ کے مطابق، ایران کے صوبہ آذربائیجان مغربی کے شہر پیرانشہر کے اہل سنت امام جمعہ مولوی محمدصالح ہاشم آباد نے جمعہ کے خطبات میں کہا: معلمی اور استادی انبیاء کا پیشہ ہے۔ یوم معلم ان عظیم ہستیوں کے مرتبے کی یاد دلاتا ہے جو انبیاء کے مقاصد کے راستے پر گامزن ہیں۔
انہوں نے کہا: خدا کی محبت ہر مسلمان پر لازم ہے اور اسے حاصل کرنے کے لیے کوشش کرنی چاہیے۔ روزانہ کی عبادتیں، دعا اور خدا سے راز و نیاز اخلاص اور قلبی محبت کے ساتھ ہونی چاہیے، جس طرح پیغمبراکرم صلی اللہ علیہ وآلہ وسلم اور صاحبان الہی نے اپنی عبادت میں بندگی کے جذبے کے اعلیٰ درجے دکھائے اور کبھی تھکاوٹ محسوس نہیں کی۔
مولوی ہاشم آباد نے کہا: عبادت، بندگی اور احسان نہ صرف ایک دینی فریضہ ہے بلکہ حقیقی سکون اور خوشی کا ذریعہ ہے۔ ہمارے بزرگ افراد و علماء وہ نمونے تھے جن کے وجود میں الہی محبت کی شعلے بھڑکتی تھیں اور وہ اس راستے میں شہادت کی طلب رکھتے تھے۔
انہوں نے کہا: خدا کی محبت کی نشانیاں روشن ہیں۔ محسنین جو صدقہ و خیرات کرنے والے ہیں، متقین جو پرہیزگار ہیں، صابرین جو صبر کرنے والے ہیں، متوکلین جو خدا پر بھروسہ کرنے والے ہیں، مقسطین یعنی انصاف کرنے والے اور مطہرین جنہوں نے پاکیزگی کو منتخب کیا ہے۔ ہر مومن کو چاہیے کہ وہ ان نشانیوں کو اپنے اندر پروان چڑھائے۔
امام جمعہ پیرانشہر نے کہا: ہم ظلم کے سامنے خاموش نہیں بیٹھیں گے۔ ہم خداوند متعال سے دعا کرتے ہیں کہ وہ مجرم امریکہ اور غاصب صیہونی حکومت کو خوار و ذلیل کرے اور مسلمانوں کو ان پر فتح عطا کرے۔
آپ کا تبصرہ