عوام کا اعتماد اور یکجہتی کسی بھی ملک کا سب سے بڑا سرمایہ ہوتا ہے

حوزہ نیوز ایجنسی کی رپورٹ کے مطابق، صوبہ خوزستان سے نمائندہ مجلس خبرگان رہبری حجت الاسلام والمسلمین امیررضا ہدائی شہر باغ ملک کے عوام کی ملکی فورسز کی حمایت میں منعقدہ شبانہ اجتماعات میں وسیع اور مستقل شرکت پر خراج تحسین پیش کرتے ہوئے اس شرکت کو اس علاقے کے عوام کی بصیرت، ایمان اور انقلاب اسلامی کے نظریات سے وابستگی کی علامت قرار دیا اور معاشرے میں اتحاد کو برقرار رکھنے اور مقاومتی جذبے کو مضبوط کرنے کی ضرورت پر زور دیا۔

انہوں نے مختلف تاریخی ادوار میں ملت ایران کی استقامت کے جذبے کی طرف اشارہ کرتے ہوئے کہا: ملت ایران نے گزشتہ برسوں میں بارہا یہ ثابت کیا ہے کہ وہ دشمنوں کے دباؤ، دھمکیوں اور سازشوں کے سامنے ہرگز نہیں جھکے گی اور ایمان، اتحاد اور ملی ہم آہنگی پر بھروسہ کرتے ہوئے ملک کے عزت اور آزادی کے راستے کو طاقت کے ساتھ جاری رکھے گی۔

حجت الاسلام والمسلمین ہدائی نے اس علاقے کے عوام اور قبائل کے ملکی دفاع میں نمایاں کردار کی طرف اشارہ کرتے ہوئے کہا: صوبہ خوزستان کے غیور عوام، خاص طور پر اس خطے کے قبائل، جنگ کے برسوں اور انقلاب اسلامی کی تاریخ کے حساس ادوار میں ہمیشہ وطن اور اسلامی اقدار کے دفاع میں پیش پیش رہے ہیں اور یہ جذبہ آج بھی اس علاقے کی نئی نسلوں میں بخوبی دیکھا جا سکتا ہے۔

مجلس خبرگان رہبری کے رکن نے معاشرے میں اتحاد اور ہم آہنگی برقرار رکھنے کی ضرورت پر زور دیتے ہوئے کہا: ملک کے سب سے اہم سرمائے میں سے ایک عوام کا اعتماد اور ہم آہنگی ہے اور حکام کو چاہیے کہ اس قیمتی صلاحیت کو سمجھتے ہوئے عوام کی مخلصانہ خدمت اور مختلف شعبوں میں عوام کے حقوق کے تحفظ کے راستے میں دوگنی کوشش کریں۔