حوزہ نیوز ایجنسی کی رپورٹ کے مطابق، مرکزی سیکرٹری جنرل اسلامی تحریک و شیعہ علماء پاکستان علامہ ڈاکٹر شبیر حسن میثمی کی اقتداء میں عید الاضحیٰ1447ھ کی نماز جامع مسجد بقیۃ اللہ، ڈیفنس کراچی میں ادا کر دی گئی۔
سیکرٹری جنرل اسلامی تحریک پاکستان نے نماز کے بعد سنت ابراہیمی کی اہمیت پر روشنی ڈالتے ہوئے ایک تفصیلی خطبہ عید دیا۔ انہوں نے موجودہ ملکی اور بین الاقوامی صورتحال کا باریک بینی سے جائزہ لیا اور امت مسلمہ کو درپیش چیلنجز پر سیر حاصل گفتگو کی۔
علامہ ڈاکٹر شبیر حسن میثمی نے ملک و ملت کی سلامتی، مجاہدین اسلام کی کامیابی اور شیطانی طاقتوں کی ناکامی کے لیے اجتماعی دعا کرائی۔
شرکاء نے پُر خلوص انداز میں دعاؤں میں شرکت کی اور اللہ تعالیٰ سے امت مسلمہ کی سربلندی اور استقامت کی درخواست کی۔
اس موقع پر مومنین نے عید کے خوشیوں میں خوبصورت انداز میں شرکت کی اور ایک دوسرے سے مبارکباد و مہربانی کے اسلامی آداب کا مظاہرہ کیا۔
آپ کا تبصرہ