حوزہ نیوز ایجنسی کی رپورٹ کے مطابق، نماز جنازہ کی امامت ممتاز مرجع تقلید حضرت آیت اللہ العظمیٰ جعفر سبحانی نے کی۔
نماز جنازہ کے مراسم صبح 8 بجے ایرانی وقت کے مطابق شروع ہوئے، جس سے قبل ہی مصلیٰ امام خمینی اور اس کے اطراف میں لاکھوں سوگوار افراد جمع ہو چکے تھے۔
رات بھر مختلف شہروں سے زائرین اور عقیدت مندوں کی آمد کا سلسلہ جاری رہا، جس کے باعث تہران کے مصلیٰ سمیت اس کے اطراف میں لاکھوں افراد کا جم غفیر موجود تھا جسے تاریخ کے سب سے بڑے جنازوں میں سے قرار دیا جا رہا ہے۔
اس عظیم الشان موقع پر اعلیٰ حکومتی و مذہبی شخصیات نے بھی شرکت کی۔
قابل ذکر ہے کہ نماز جنازہ کے بعد جسدِ اطہر کو قم المقدسہ، نجف و کربلا میں تشییع کے بعد 9 جولائی 2026ء کو حرم امام رضا(ع)، مشہد میں سپردِ خاک کیا جائے گا۔
آپ کا تبصرہ