حوزہ نیوز ایجنسی کی رپورٹ کے مطابق لاہور میں بزم مرتضی حسین لکھنوی کے زیر اہتمام کتاب گمنامی سے دلوں کی حکمرانی تک کی تقریب رونمائی ہوئی مقررین نے"  کتاب" کو طاغوت مخالف امت مسلمہ اور ملت پاکستان کا مکمل بیانیہ قراردیتے ہوئے کہا کہ امریکہ کا یہ وطیرہ رہا کہ اسلام کا ایک بگڑا ہوا اور وحشت ناک اور دہشتگردانہ چہرہ ابوبکر بغدادی کی صورت میں دنیا کے سامنے پیش کیا جائے لیکن  شہید قاسم کی صورت میں ایک حقیقی اسلام اور انسانیت کا ہیرو ابھر کر سامنے آیا اور یہ کتاب اسلام اور شہید قاسم کے حقیقی تعارف میں ممد ومعاون ثابت ہوگی۔
تقریب کے اختتام پر برادر توقیر کھرل نےاپنے خیالات کا اظہار کرتے ہوئے کہا کہ شہید کی شہادت کے بعد اس کا سب سے بہترین سرمایہ شہید کا راستہ اور نظریہ ہوتا ہے اور شہید حاج سلیمانی کسی مذہب و مسلک کے نہیں بلکہ شہید انسانیت ہیں کیونکہ انکا کردار اور خدمات انسانیت کے لیے تھیں۔مزید انہوں بہت جلد اضافے اور بہتری کے ساتھ "گمنامی سے دلوں کی حکمرانی تک " کے دوسرے ایڈیشن کی اشاعت کی نوید سنائی ۔
آخر میں کتاب کی رونمائی کی گئی۔
تقریب میں ملی یکجہتی کونسل کے ڈپٹی جنرل سیکرٹری ثاقب اکبر نقوی ،ادارہ التنزیل کے سربراہ مولانا علی عباس نقوی،سماجی تنظیم خیال نو کے حنین زیدی،مفتی امجد عباس،محقق و دانشور نثار ترمزی ،ماہر تعلقات عامہ شہزاد روشن گیلانی،ایڈووکیٹ شکیل نقوی۔ڈیبیٹر حفصہ خالد،نعت خواں حزیفہ اشرف،شاعرہ شانیہ چودھری،ہارر رائٹر فلک زاہد،صحافی محمد نوید اسلم ملک،ڈیبیٹر رضا ثاقب،تصور عباس اور کتاب کے مدون توقیر کھرل نے شرکت کی ۔