۹ فروردین ۱۴۰۳ |۱۸ رمضان ۱۴۴۵ | Mar 28, 2024
ہولی اور شب برات پرامن طریقے سے منانے کی اپیل

حوزہ/ بولی اور شب برات کے حوالے سے ایک طرف جہاں پولیس انتظامیہ مستعد ہے وہیں، دوسری طرف مذہبی رہنما بھی عوام سے اپیل کر رہے ہیں کہ اپنے اپنے تہوار اور تقاریب پرامن طریقے سے منائیں۔

حوزہ نیوز ایجنسی کی رپورٹ کے مطابق، اتر پردیش کے بنارس میں مفتی عبد الباطن نعمانی نے عوام سے اپیل کی ہے کہ دونوں تہواروں کی عظمت برقرار رکھتے ہوئے پر امن طریقے سے منائیں اور شب برات کے سلسلے میں مسلمانوں سے اپیل ہے کہ وہ مسجد اور گھروں میں عبادت کریں، باہر نکلنے سے گریز کریں۔

انہوں نے دونوں تہوار ایک ہی تاریخ پر ہونے پر خدشہ ظاہر کرتے ہوئے انہوں نے کہا کہ کسی قسم کا خلفشار واقع نہ ہو، پرامن طریقے سے دونوں تہوار منائیں۔

مفتی عبد الباطن نعمانی نے کہا کہ شب برات کے موقع پر بیشتر نوجوان اور نو عمر لڑکے باہر گھومتے ہیں، جس سے مختلف مسائل درپیش ہوتے ہیں، اس پر پولیس کی گہری نظر ہے۔

انہوں نے مسلمانوں سے اپیل کرتے پوئے کہا کہ کورونا وائرس کا دوسرا مرحلہ بھی شروع ہو چکا ہے، بیماری کے تیزی سے بڑھنے کا خدشہ ظاہر کیا جارہا ہے۔ کورونا وائرس کے قواعد و ضوابط پر عمل کریں تاہم ابھی تک ضلع انتظامیہ سے کوئی نئی گائیڈ لائن کا اعلان نہیں ہوا ہے۔

مفتی عبد الباطن نعمانی نے مزید کہا کہ اگر پانچ لوگوں کی مسجد میں نماز پڑھنے کی کوئی ہدایت جاری ہوتی ہے تو ڈسٹرکٹ مجسٹریٹ سے اس سلسلے میں ایک وفد لے کر ملاقات کریں گے اور مطالبہ کریں گے کہ اس میں آسانیاں کی جائیں تاکہ رمضان کے پیش نظر لوگوں کو عبادت کرنے میں بھی دشواری نہ ہو اور کورونا گائیڈ لائن پر بھی عمل ممکن ہو سکے۔

تبصرہ ارسال

You are replying to: .