حوزہ نیوز ایجنسی کی رپورٹ کے مطابق، مصر اور افریقی براعظم میں سب سے بڑی مسجد کی تعمیر مکمل ہونے کے قریب ہے ، اور عرب ٹھیکیدار اس کو مصر کے نئے انتظامی دارالحکومت میں تعمیر کرنے کے ذمہ دار ہیں ، جسے "عظیم مصری مسجد" کہا جاتا ہے۔
ایک سرکاری ذرائع نے بتایا کہ مسجد میں نمازیوں اور زائرین کے داخلے کی سہولت کے لیے 10 دروازے اور 30 لفٹیں مختص کی گئی ہیں۔
یہ مسجد ایک بڑے منصوبے کا حصہ ہے جسے "مصری اسلامی ثقافت مرکز" کہا جاتا ہے اور یہ مصر اور دنیا کی بڑی مساجد میں سے ایک ہوگی۔
اس مسجد کے کنارے، 4 عمارتوں پر مشتمل ایک ثقافتی مرکز اور ایک ثقافتی اور تجارتی مرکز بنایا گیا ہے۔
قاہرہ یونیورسٹی سکول آف اینٹیکیوٹیز میں اسلامک آرٹ کے پروفیسر جمال عبدالرحیم نے کہا: مصر کی یہ عظیم مسجد اور ثقافتی مرکز مملوکی انداز میں بنائی گئی ہے اور یہ اسلامی کاموں اور مصری فن تعمیر کی تاریخ کی خوبصورت ترین اقسام میں سے ایک ہے۔
انہوں نے مزید کہا: اس مسجد میں بڑے بڑے گلدستے ہیں جن کی اونچائی 140 میٹر ہے اور اس کی دیوار قرآن پاک کی آیات اور آرکیٹیکچرل اور انجینئرنگ تکنیک سے بھری ہوئی ہے۔
اس مسجد کا رقبہ 19،100 مربع میٹر ہے اور اس میں تین اہم داخلی دروازے شامل ہیں ، جن کے اوپر اسلامی گنبد ہیں۔
اس مسجد میں 960 مربع میٹر کا علاقہ نماز کے صحن کے لیے مختص کیا گیا ہے اور اس کے 6 ہال ہیں جن کے اوپر ایک گنبد ہے۔
مصری سیاحت کے ماہر ایہاب موسیٰ نے مزید کہا کہ یہ ثقافتی مرکز مصر اور دنیا کا ایک بڑا اسلامی مرکز ہوگا۔ یہ عظیم مسجد دنیا کے مختلف ممالک کی سیاحتی مرکز ہو گی خواہ وہ مسلم ہوں یا غیر مسلم۔
