حوزہ نیوز ایجنسی کی رپورٹ کے مطابق، ہندوستان کے صوبہ آندھرا پردیش ضلع کرشنا علی نقی پالم کے مسجد شہدائے کربلا کے امام جماعت مولانا مرزا شمیم الحسن نجفی کو پامورو اسمبلی حلقہ کا چیف قاضی مقرر کیا گیا ہے۔
یاد رہے کہ مولانا مرزا شمیم الحسن نجفی اپنے علاقے کے ایک برجستہ خطیب و مبلغ بیں اِن تمام خدمات کے پیشِ نظر تہنیتی تقریب میں مولانا کی گْل پوشی بزرگ عالم دین مولانا محسن رضا کے دست مبارک سے کی گئی ہے۔
مولانا کو اس منصب کے لئے متعین کرنے پر قرب و جوار اور دور دراز کے تمام علماء نے بالمشافہ یا ٹیلیفون یا پھر سوشل میڈیا کے ذریعہ مبارک باد و تبریک پیش کی ہے ان کے علاوہ سیاست دان اور سماجی کارکنوں نے بھی مولانا مرزا شمیم الحسن نجفی کی خدمت میں مبارکباد پیش کرتے ہوئے نیک خواہشات کا اظہار کیا۔
15:06 - 2021/12/24