حوزہ نیوز ایجنسی کی رپورٹ کے مطابق، اسلامی جمہوریہ ایران کی فوج کے کمانڈر انچیف، میجر جنرل سید عبدالرحیم موسوی نے غاصب صہیونی چیف آف اسٹاف کے بیانات، ہم امریکی مدد کے بغیر ایران پر حملہ کرنے کی طاقت رکھتے ہیں، پر شدید رد عمل کا مظاہرہ کرتے ہوئے کہا ہے کہ ان بیانات کا مقصد فوجیوں کے حوصلے بلند کرنا اور اندرونی مسائل سے توجہ ہٹانا ہے۔

انہوں نے مزید کہا کہ جو بھی فریقین کی عسکری طاقت سے تھوڑی سی واقفیت رکھتا ہو وہ اچھی طرح سمجھ جائے گا کہ صہیونی حکومت کو، آٹھ سالہ دفاع مقدس کے دوران کی گئیں کارروائیوں میں سے ایک کارروائی کے ذریعے صفحہ ہستی سے مٹا دیں گے۔

ایرانی مسلح افواج کے کمانڈر انچیف نے کہا کہ صہیونی حکومت زوال کی طرف تیزی سے بڑھ رہی ہے اور اس غاصب حکومت کی تباہی کے اثرات پہلے سے کہیں زیادہ نمایاں ہو گئے ہیں۔

میجر جنرل موسوی نے مزید کہا کہ غاصب صہیونی حکومت کے کمانڈر انچیف کا بیان، اسلامی جمہوریہ ایران کیلئے خطرہ سمجھے جانے کا قابل ہی نہیں ہے اور اس غاصب حکومت کے رہنماؤں کے غیر منطقی اقدامات صرف اور صرف غاصب حکومت کی تباہی میں مزید تیزی کا باعث بنیں گے۔