حوزہ نیوز ایجنسی کی رپورٹ کے مطابق، اسلامی جمہوریہ ایران ، عراق، پاکستان اور ہندوستان سمیت دنیا کے کئی ممالک میں عیدالفطر آج بروز پیر مذہبی جوش و جذبے کے ساتھ منائی جا رہی ہے۔
اسلامی جمہوریہ ایران کے تمام چھوٹے بڑے شہروں، قصبوں اور دیہاتوں میں عید الفطر کی نماز کے بڑے بڑے اجتماعات منعقد ہوئے۔ نماز کے بعد عالم اسلام کی ترقی و پیشرفت اور مسلمانوں کے مابین اتحاد و وحدت کے لئے خصوصی دعائیں مانگی گئی ۔ اس کے علاوہ فلسطین کی آزادی اور مسلم ممالک میں جاری فتنہ و فساد کے خاتمے کے لئے بھی اللہ رب العزت کی بارگاہ میں دعا کی گئی۔
پاکستان میں نماز عید کے موقع پر سکیورٹی کے انتہائی سخت انتظامات کیے گئے ہیں اور مساجد اور امام بارگاہوں کے باہر پولیس کی بھاری نفری تعینات کی گئی ہے۔
آپ کا تبصرہ