حوزہ نیوز ایجنسی کی رپورٹ کے مطابق، فاطمیہ ایجوکیشنل کمپلیکس مظفر آباد کشمیر پاکستان میں عالمی یوم حجاب کی مناسبت سے تقریب کا انعقاد کیا گیا۔
تقریب کا آغاز تلاوت کلام پاک سے کیا گیا، نعت رسول مقبول صلی اللہ علیہ وآلہ وسلم کے بعد تقریر اور حجاب کے متعلق ترانہ پیش کیا گیا۔
تقریب کے اختتام پر خواہر ارم بخاری نے حجاب کی اہمیت و ضرورت اور افادیت کو بیان کرتے ہوئے کہا کہ حجاب کرنا خواتین کے لیے خدا کی طرف سے ایسا حکم اور تحفہ ہے، جو خواتین کو نا صرف خدا سے قریب کر نے کا باعث ہے بلکہ یہی حجاب خواتین کو معاشرے کی گندی نظروں سے بچانے کا ذریعہ ہے۔
تقریب میں سکول اور کالج اور مدرسہ کی طالبات نے بھرپور شرکت کی۔
تقریب کا اختتام دعائے امام زمانہ سے کیا گیا۔
