حوزہ نیوز ایجنسی کی رپورٹ کے مطابق، اصغریہ آرگنائزیشن پاکستان سکھر ڈویژن کی جانب سے 25 محرم الحرام یومِ شہادتِ امام زین العابدین علیہ السّلام کی مناسبت سے درخت تقسیم کیے گئے۔

اصغریہ آرگنائزیشن پاکستان ڈویژن سکھر کی جانب سے یوم شہادت امام سجاد علیہ السّلام کے دن ملک کے ماحولیات کو بہتر بنانے کیلئے شجر کاری کا آغاز کیا۔

افتتاحی تقریب تعلقہ پنوعاقل اسپتال میں منعقد ہوئی، جس میں خصوصی شرکت حجتہ الاسلام و المسلمین علامہ مختار حسین رضوی، ڈویژن صدر ضمیر عباس چاچڑ، فاریسٹ آفیسر افتخار احمد آرائیں، سید ناصر عباس جہانیاں ضلع صدر رفیق احمد محمدی، غلام شبیر مجتبائی، عاشق حسین اصغری اور دیگر تنظیمی کارکنان نے شرکت کی مقررین نے خطاب کرتے ہوئے اس عمل کو سراہا۔

اس موقع پر اصغریہ آرگنائزیشن پاکستان سکھر ڈویژن کے اراکین نے کہا کہ شجر کاری عبادت ہے۔ روایات میں درخت کاشت کرنے والوں کے لئے بے پناہ اجر و ثواب کا ذکر ملتا ہے۔ گرمی کی شدت میں درخت بہترین سہارا ہیں، جو گرمی کی شدت میں کمی لانے کے ساتھ ساتھ ماحول کی خوبصورتی اور پاکیزگی میں اضافے کا باعث ہیں۔