حوزہ نیوز ایجنسی کی رپورٹ کے مطابق، علمائے مکتب اہلبیت کے مرکزی سیکرٹری جنرل علامہ اصغر عسکری نے مدرسہ نور الثقلین مظفر آباد کشمیر پاکستان کا دورہ کیا، اس موقع پر وائس پرنسپل مولانا اجمل حسین قاسمی نے مدرسے کے مختلف شعبہ جات جیسے لائبریری، کمپیوٹر لیب اور ہاسٹل سمیت دیگر شعبہ جات کا وزٹ کروایا اور مدرسے کی کارکردگی کے متعلق بریفننگ بھی دی۔
ملاقات میں پاکستان سمیت مختلف امور پر تبادلہ خیال بھی کیا گیا۔
اس دوران گفتگو کرتے ہوئے علامہ اصغر عسکری مرکزی جنرل سیکریٹری علماء مکتب اہلبیت علیہم السلام نے مدرسے کی فعالیت کو سراہتے ہوئے اسے مزید بہتر بنانے کی تاکید کی۔
آخر میں مدرسے کے وائس پرنسپل مولانا اجمل حسین قاسمی نے دورہ کرنے پر علمائے مکتب اہلبیت کے سیکرٹری جنرل کا شکریہ ادا کیا۔
