حوزه نیوز ایجنسی کی رپورٹ کے مطابق، بعثت کے موقع پر پیغمبر اکرم (ص) کی بعثت کے ابتدائی لمحات کی ایک حیرت انگیز روایت بیان کی گئی ہے، جس میں امیرالمؤمنین علی (ع) نے وحی کے نزول کے وقت شیطان کے نالہ و فریاد سننے کی خبر دی ہے؛ یہ نالہ نور ہدایت کے سامنے شیطان کی شکست اور مایوسی کی علامت تھی۔ روایت اور اس کی تشریح درج ذیل ہے:

روایت میں آیا ہے کہ امیرالمؤمنین علی (ع) نے فرمایا: "میں نے وحی کے نزول کے وقت شیطان کے نالہ کی آواز سنی۔"

میں نے عرض کیا: "یا رسول اللہ (ص)، یہ نالہ کیا ہے؟"

حضرت (ص) نے جواب دیا: "یہ شیطان ہے جو اپنی عبادت سے مایوس ہو گیا ہے اور اس طرح نالہ کر رہا ہے۔"

پھر پیغمبر اکرم (ص) نے امام علی (ع) سے فرمایا: "بے شک تم وہی سنتے ہو جو میں سنتا ہوں اور وہی دیکھتے ہو جو میں دیکھتا ہوں، لیکن تم نبی نہیں ہو، بلکہ تم میرے وزیر اور مددگار ہو اور تم خیر کے راستے پر ہو۔"

امام محمد باقر (ع) سے ایک اور روایت میں نقل ہوا ہے: "ابلیس نے چار بار نالہ کیا: جس دن وہ معلون بارگاہ خداوندی ہوا، جس دن وہ زمین پر اترا، جس دن محمد (ص) مبعوث ہوئے، اور جس دن غدیر کا واقعہ پیش آیا۔"

یہ روایات واضح طور پر بتاتی ہیں کہ حق و باطل کی جنگ کے تاریخ میں چار اہم موڑ ایسے آئے جن پر شیطان نے نالہ و فریاد کی:

1. خدا کے حضور سے نکالا جانا

2. زمین پر اترنا

3. پیغمبر اکرم (ص) کی بعثت جو انسانیت کی ہدایت کا نیا دور تھا

4. واقعہ غدیر جس نے نبوت کے راستے کو جاری رکھنے کی ضمانت دی

دلچسپ بات یہ ہے کہ امیرالمؤمنین (ع) اپنے اعلیٰ مقام و منزلت کی وجہ سے ان فیصلہ کن لمحات میں سے ایک کے گواہ تھے؛ وہ مقام جسے پیغمبر (ص) نے صراحت کے ساتھ تصدیق فرمایا۔

1. نہج البلاغہ، خطبہ 190

2. الخصال، جلد 1، صفحہ 263