حوزہ نیوز ایجنسی کی رپورٹ کے مطابق، امریکی شہریت کا حامل ایک صیہونی کیتھ سیگل نے ایک پیغام میں، فلسطینی مجاہدین کی اخلاقی رفتار کی تعریف کرتے ہوئے ان کا شکریہ ادا کیا ہے۔
انہوں نے القسام مجاہدین کے نام ایک پیغام میں لکھا: میرا نام کیتھ سیگل ہے اور میں غزہ کے کفار علاقے سے ہوں، میں 7 اکتوبر 2023 سے جنوری 2025 تک غزہ کی جیل میں رہا، اس دوران میری حفاظت کرنے والے مجاہدین نے میری تمام ضروریات کا خیال رکھا، جن میں کھانے پینے، ادویات، ضروری وٹامنز، بینائی کی ادویات، بلڈ پریشر مانیٹر اور دیگر ضروریات شامل تھیں۔
اس کے علاوہ، جب میں طویل عرصے سے اپنی طبیعت ٹھیک محسوس نہیں کر رہا تھا تو وہ میرے لیے دوا لائے تھے، گارڈز نے کھانے اور دیگر مسائل سے متعلق میری درخواستوں کا ہمدردی سے جواب دیا۔
انہوں نے اس بات کا بھی خیال رکھا کہ میرا کھانا میری صحت کے لیے موزوں ہو اور میں سبزی خور تھا؛ گارڈز نے میرے ساتھ اچھا سلوک کیا، میرا ماننا ہے کہ ہماری (صیہونی) حکومت نے قیدیوں کے تبادلے اور جنگ بندی کے سلسلے میں اپنا فرض ادا نہیں کیا، جس کے نتیجے میں فریقین کو زیادہ جانی نقصانات کا سامنا کرنا پڑا، مجھے امید ہے کہ جلد ہی امن بحال ہو جائے گا اور یہاں میں ان مجاہدین کا شکریہ ادا کرنا چاہتا ہوں، جنہوں نے اس دوران میری حفاظت کی۔
آپ کا تبصرہ