حوزہ نیوز ایجنسی کی رپورٹ کے مطابق، حرم امام رضا علیہ السّلام کے ادارۂ تبلیغات اسلامی کے نائب ڈائریکٹر حجت الاسلام والمسلمین حسین شریعتی نژاد نے آستان نیوز کے نمائندے سے گفتگو کے دوران اس تقریب کے بارے میں تفصیلات بتاتے ہوئے کہا کہ ماہ شعبان المعظم کے اختتامی ایّام میں عالم اسلام لبنان کے شہر بیروت میں مزاحمت کے علمبردار اور عظیم مجاہد شہید سید حسن نصر اللہ کے جسد مطہر کی تشیع جنازہ دیکھے گا۔
انہوں نے مزید بتایا کہ مؤرخہ 21 فروری 2025 بروز اتوار کو حرم امام رضا علیہ السلام کے رواق امام خمینی(رح ) میں بیروت سے براہ راست شہید سید حسن نصر اللہ کی تشیع جنازہ کے مراسم کو ’’انا علی العھد‘‘ کے عنوان سے براہ راست دکھایا جائے گا۔
حجت الاسلام شریعتی نژاد نے مزید کہا کہ حجت الاسلام شیرازی اس تقریب کے دوران خطاب فرمائیں گے اور اہلبیت عصمت و طہارت(ع) کے ذاکرین اور مداح خوان ذکر و فضائل و مصائب پڑھیں گے۔
انہوں نے آخر میں نے مشہد مقدس کے شہید پرور عوام اور حرم امام رضا علیہ السّلام کی نورانی بارگاہ کے زائرین سے اس تقریب میں شرکت کرنے کی دعوت دی، تاکہ اس عظیم شہید کو خراجِ عقیدت پیش کرنے کے ساتھ عالمی استکبار کے خلاف مزاحمتی محاذ کی جدوجہد کی بھرپور حمایت کی جا سکے۔
آپ کا تبصرہ