حوزہ نیوز ایجنسی کے مطابق، حجت الاسلام مرتضی استقامت نے قم کی اسلامی شہر کونسل کے ۱۷۵ویں باقاعدہ اور علنی اجلاس میں، جو شہید زین الدین عمارت میں منعقد ہوا، ایام عزا کی تعزیت اور عزاداریوں کی قبولیت کی دعا کے ساتھ، غزہ میں صہیونی حکومت کے جرائم کی مذمت کرتے ہوئے کہا: مظلوم فلسطینی عوام کا قتل عام، جو صہیونی حکومت کے ہاتھوں روزانہ ۱۰۰ سے ۱۲۰ افراد کی شہادت کا سبب بنتا ہے جن میں خواتین اور بچے بھی شامل ہیں، شدید مذمت کے قابل ہے اور ہم ان سنگدل مجرموں سے اپنی نفرت کا اعلان کرتے ہیں۔
انہوں نے ہفتہ عفاف و حجاب کا ذکر کرتے ہوئے اسلامی معاشرے میں عفت کے مقام کی جانب اشارہ کیا اور کہا: عفت اسلامی طرز زندگی میں سب سے اہم عنصر ہے، جو جوانمردی کے ساتھ مفہوم پاتی ہے۔
شہری خدمات اور امور زائرین کمیٹی کے سربراہ نے مزید کہا: عفت صرف خواتین سے مخصوص نہیں بلکہ ہر انسان اور ہر سماجی عمل کو عفت کے ساتھ ہونا چاہیے۔
حجت الاسلام استقامت نے محرم کے پہلے عشرے میں قم میونسپلٹی کے عملے کی خدمات پر ان کا شکریہ ادا کرتے ہوئے کہا: قم، ملک اور دنیائے اسلام میں مراسم محرم کے انعقاد کے حوالے سے شہرت رکھتا ہے اور میونسپلٹی کے کارکنان نے چوبیس گھنٹے محنت کرتے ہوئے عزاداری کے انجمنوں اور شہریوں کو شایانِ شان خدمات فراہم کیں۔
انہوں نے مزید کہا: ان ایام میں شہر کے مختلف علاقوں میں تقریباً ۶۰ انجمنوں اور مواکب کا دورہ کیا گیا، جہاں خوش آئند واقعات پیش آئے جن کی تحسین کی جانی چاہیے۔
انہوں نے قومی عزت کے تحفظ اور رہبر معظم انقلاب اسلامی کی ہدایات کی پابندی پر زور دیتے ہوئے کہا: ہم شہداء کے خون کے مقروض ہیں اور ہر وہ اقدام، گفتگو یا انٹرویو جو ملکی طاقت اور قوم کی عزت کو نقصان پہنچائے، ہم اس کی مذمت کرتے ہیں اور اس سے برائت کا اعلان کرتے ہیں اور ان شاء اللہ اپنے ولی فقیہ اور رہبر معظم انقلاب کی اطاعت کریں گے۔
آپ کا تبصرہ