حوزہ نیوز ایجنسی کی رپورٹ کے مطابق، ایران کی قومی سلامتی کونسل کے سربراہ علی لاریجانی نے کہا ہے کہ ایران کبھی بھی سفارت کاری کو ترک نہیں کرے گا لیکن مذاکرات تبھی مفید ہوں گے جب مدمقابل واقعی مسئلے حل کرنے کے لیے تیار ہوں۔ ایران کی قیادت ہمیشہ کہتی رہی ہے کہ مذاکرات کا پرچم ہمیشہ ہاتھ میں رکھیں۔
انہوں نے مزید کہا: اگر دشمن صرف دباؤ ڈالنا چاہے یا ایران کو تسلیم کروانے کی کوشش کرے تو اس سے مذاکرات کا کوئی فائدہ نہیں۔ ایرانی قوم مضبوط اور بہادر ہے اور کوئی بھی جنگ یا دباؤ اسے مجبور نہیں کر سکتا۔ حقیقی مذاکرات کے لیے ضروری ہے کہ مخالف ایران کی طاقت اور عزم کو سمجھے اور اسی بنیاد پر بات کرے۔
لاریجانی نے کہا: جمہوریہ اسلامی ایران کی خارجہ پالیسی کے مطابق حزبالله لبنان، حماس فلسطین اور دیگر مزاحمتی گروپس، اب بھی فعال اور مضبوط ہیں اور ایران انہیں ایک حقیقی سرمایہ کے طور پر دیکھتا ہے۔
انہوں نے کہا: اسرائیل اور امریکہ کی طرف سے، مزاحمتی گروپس پر دباؤ ہے تاکہ ان کو کمزور کیا جاسکے۔ لیکن حقیقت یہ ہے کہ ہر دباؤ اور ہر حملے کے بعد یہ تحریکیں مزید مضبوط اور منظم ہوتی ہیں۔ ہر جارحیت اسے مزید مستحکم اور جان دار بناتی ہے۔
قومی سلامتی کونسل کے سربراہ نے مزید کہا: حماس کی مثال اس بات کی غماز ہے کہ اسرائیل اور اس کے اتحادی غزہ میں حملے کر چکے ہیں، لوگوں کو شہید اور بھوکا رکھا لیکن حماس اپنی پوزیشن پر قائم ہے۔ اس کا مطلب یہ ہے کہ مقاومت کا وجود دشمن کی جارحیت سے کمزور نہیں ہوتا بلکہ مضبوط ہوتا ہے۔
آپ کا تبصرہ