آسٹریلیا میں اسرائیلی حکام کے دورے پر عوامی غصہ، وسیع احتجاجی مظاہرے

حوزہ نیوز ایجنسی کی رپورٹ کے مطابق، پیر کے روز ہزاروں افراد نے سڈنی کے تجارتی مرکز کے مرکزی میدان میں احتجاجی مظاہرہ کیا، جبکہ یہ مظاہرے ملک بھر کے مختلف شہروں اور علاقوں میں بھی جاری رہے۔

ایمنسٹی انٹرنیشنل کی آسٹریلوی شاخ نے ایک بیان میں کہا: “ہرتزوگ گزشتہ دو برسوں سے فلسطینیوں اور غزہ کے مظلوم عوام پر شدید مصائب ڈھا رہا ہے۔ وہ یہ اقدامات بے باکی کے ساتھ انجام دے رہا ہے۔ ہم خاموش نہیں رہ سکتے۔”

آسٹریلین جیوش کونسل، جو اسرائیلی حکومت کی سخت ناقد ہے، نے بھی پیر کے روز ایک کھلا خط جاری کیا جس پر ایک ہزار سے زائد اعلیٰ تعلیم یافتہ آسٹریلوی یہودیوں اور کمیونٹی رہنماؤں کے دستخط تھے۔ اس خط میں وزیراعظم البانیزی سے مطالبہ کیا گیا کہ وہ ہرتزوگ کو دی گئی دعوت واپس لیں۔

واضح رہے کہ غزہ میں اسرائیلی جنگ اور نسل کشی کے نتیجے میں اب تک 72 ہزار سے زائد فلسطینی شہید ہو چکے ہیں، جبکہ ہزاروں لاشیں اب بھی ملبے تلے دبی ہوئی ہیں جن کی باقاعدہ گنتی ممکن نہیں ہو سکی۔