حوزہ نیوز ایجنسی کی رپورٹ کے مطابق، تہران میں واقع اسلامی ثقافتی روابط کی تنظیم کے میڈیا آفس نے بتایا ہے کہ دہلی میں ایرانی کلچر ہاوس (خانہ فرہنگ) کی مرکزی لائبریری میں ایک خاص سیکشن بنایا گیا ہے۔
اس سیکشن کا مقصد ہندوستانی طالب علموں، محققین اور عام قارئین کو شہید رہبر کی کتابیں، تقریریں اور دیگر تحریری مواد آسانی سے دستیاب کرانا ہے۔
اس صفحے پر شہید رہبر کی سوانح عمری، ان کی تحریر کردہ کتابیں، ان کے خطبات، اور ان کی تقاریر کی آڈیو و ویڈیو ریکارڈنگ بھی شامل ہیں۔
ایرانی ثقافتی مرکز کے حکام کا کہنا ہے کہ ہندوستانی عوام خاص طور پر نوجوان نسل کو شہید رہبر کی فکری اور علمی میراث سے روشناس کرانا ہے۔ ہندوستان میں بہت سے لوگ فارسی اور اردو میں دلچسپی رکھتے ہیں اور وہ شہید رہبر کی تحریروں سے فائدہ اٹھا سکتے ہیں۔
یہ اقدام ان محققین کے لیے خاص طور پر مفید ہو گا جو ایران کے انقلاب، اسلامی فکر اور شہید رہبر کی تعلیمات پر کام کر رہے ہیں۔
آپ کا تبصرہ