حوزہ نیوز ایجنسی کی رپورٹ کے مطابق، آیت اللہ العظمیٰ سید علی خامنہ ای سے سوال کیا گیا کہ بعض افراد امام حسین علیہ السلام کی عزاداری کے احترام میں یکم محرم سے آخر صفر تک مسلسل سیاہ لباس پہنتے ہیں، جو تقریباً دو ماہ پر محیط ہوتا ہے۔ کیا یہ عمل مستحب اور پسندیدہ ہے یا اس مدت تک سیاہ لباس پہننے میں کراہت پائی جاتی ہے؟
اس کے جواب میں آپ نے فرمایا کہ اہلِ بیت علیہم السلام کی عزاداری کے ایام میں شعائرِ الٰہی کی تعظیم اور حزن و اندوہ کے اظہار کی نیت سے سیاہ لباس پہننا باعثِ ثواب ہے، اور نماز کے علاوہ دیگر مواقع پر سیاہ لباس پہننے کی کراہت ثابت نہیں ہے۔
اس بنا پر محرم اور صفر کے دوران، خصوصاً اربعین تک، امام حسین علیہ السلام اور اہلِ بیت علیہم السلام کی عزاداری کے احترام میں سیاہ لباس پہننا شرعاً پسندیدہ عمل ہے اور اس پر اجر و ثواب بھی ہے۔
آپ کا تبصرہ