حوزہ نیوز ایجنسی کی رپورٹ کے مطابق ، ایران ،امام جمعہ شہر راوند حجت الاسلام سید مہدی اصل حسینی نے حوزہ نیوز کے نمائندے سے کاشان میں گفتگو کرتے ہوئے کہا کہ یورپی ، امریکی اور افریقی ممالک پیغمبر اسلام (ص) کی اخلاقی خصوصیات کی جذابیت کی وجہ سے اسلام کی طرف رجوع کر رہے ہیں اسی لئے ایک عیسائی پادری نے فرانسیسی صدر میکرون کو بتایا تھا کہ یورپ میں اسلام کے پھیلاؤ کی وجہ سے لوگ اپنے بیٹوں کا نام محمد رکھیں گے۔
انہوں نے پیغمبراسلام(ص) کو دونوں جہانوں کے لئے رحمت قرار دیا اور مزید کہا کہ دنیا بھر میں دین مبین اسلام کے پھیلاؤ سے خطرہ محسوس کرتے ہوئے ، دشمن رائے عامہ میں مسلمانوں کو دہشت گرد قرار دے کر دین اسلام کو مسخ اور بدنام کرنے کی کوشش کر رہے ہیں۔
راوند کاشان کے امام جمعہ نے پیغمبر اسلام(ص) کی توہین کو اسلامی وحدت و اتحاد کی ضرورت جانا اور وضاحت کی کہ جلد ہی پیغمبرِ اِسلام(ص) کی حقانیت ، دشمنوں کی سازشوں کو بے نقاب کردے گی اور ہم پیغمبر اسلام (ص) کی شان میں گستاخی اور توہین کرنے والوں پر لعنت بھیجیں گے۔
