حوزہ نیوز ایجنسی کی رپورٹ کے مطابق،سعودی عرب کی وزارت اسلامی امور نے مساجد میں لاؤڈ اسپیکر کے استعمال پر پابندی عائد کردی ہے، اس کے تحت صرف اذان اور اقامت کے لئے لاؤڈ اسپیکر کے استعمال کی اجازت ہوگی۔
سعودی وزیر برائے امور اسلامیہ عبداللطیف الشیخ کے ذریعے جاری سرکلر کے مطابق سعودی کی تمام مساجد کو صرف اذان اور اقامت کے لئے لاؤڈ اسپیکر کے استعمال کو محدود کرنے اور لاؤڈ اسپیکروں کی آواز کو ایک تہائی سطح تک محدود کرنے کا حکم دیا گیا ہے۔
یہ بھی بتایا گیا ہے کہ سرکلر حضرت محمد صلی اللہ علیہ وسلم کی حدیث پر مبنی ہے جس میں کہا گیا ہے کہ "لو! تم میں سے ہر ایک خاموشی سے اپنے رب کو پکار رہا ہے۔ کسی کو دوسرے کو تکلیف نہیں پہنچانی چاہئے۔
یہ ضابطہ بزرگ اسلامی اسکالر شیخ محمد بن صالح الاثیمین اور صالح ال فوزان کے فتووں پر بھی مبنی ہے، جس میں کہا گیا ہے کہ مساجد میں لاؤڈ اسپیکر صرف اذان اور اقامت کے لئے استعمال ہونے چاہئیں۔
ان ہدایات کے مطابق عام نمازوں میں صرف آذان اور اقامت کو بیرونی لاؤڈ اسپیکروں پر ادا کیا جاسکے گا جبکہ مکمل نماز یا خطبات لاؤڈ سپیکر پر نہیں دیے جاسکیں گے۔
