۹ فروردین ۱۴۰۳ |۱۸ رمضان ۱۴۴۵ | Mar 28, 2024
علامہ مقصود ڈومکی

حوزہ/ انقلاب اسلامی نظام ولایت کے ترجمان کی حیثیت سے نور کی تجلی بن کر عالم انسانیت میں روشنی بکھیرنے لگا ہے اور آج نظام ولایت عالمی انقلابی تحریک بن کر دنیا کو ایک حسین مستقبل کی نوید دے رہا ہے۔

حوزہ نیوز ایجنسی کی رپورٹ کے مطابق،بھٹ شاہ/ مجلس وحدت مسلمین پاکستان کے مرکزی ترجمان علامہ مقصود علی ڈومکی نے اصغریہ علم و عمل تحریک کے مرکزی کنونشن میں یوم امام حسن عسکری علیہ السلام سے خطاب کرتے ہوئے کہا ہے کہ نظام ولایت و امامت اب عالمی رچ اختیار کر چکا ہے جس سے شیاطین عالم خوفزدہ ہیں۔

انہوں نے کہا کہ انقلاب اسلامی نظام ولایت کے ترجمان کی حیثیت سے نور کی تجلی بن کر عالم انسانیت میں روشنی بکھیرنے لگا ہے۔ جس کے انقلابی افکار کی ضیاء اور روشنی نے دنیا بھر کے طاغوتی ایوانوں میں زلزلہ بپا کیاہے۔ آج نظام ولایت عالمی انقلابی تحریک بن کر دنیا کو ایک حسین مستقبل کی نوید دے رہا ہے۔

مزید کہا کہ نوجوانوں کو علماء کرام سے جڑے رہنا چاہیے۔ ہم اصغریہ علم و عمل تحریک کے دوستوں کی دینی خدمات کو قدر کی نگاہ سے دیکھتے ہیں اور ان سے امید اور توقع رکھتے ہیں کہ دینی مدارس اور علماء کرام سے جڑے رہیں۔ آپ نوجوان اور بزرگ علماء کے دست و بازو بنیں۔

انکا کہنا تھا کہ علماء کرام کو بھی چاہیے کہ جوانوں پہ دست شفقت رکھیں اور ان کے پاکیزہ احساسات کی قدر کریں۔ اس موقع پر علامہ مقصود علی ڈومکی نے اصغریہ علم و عمل تحریک کے نمایاں خدمات انجام دینے والے کارکنوں میں شیلڈز تقسیم کیں۔

تبصرہ ارسال

You are replying to: .