حوزہ نیوز ایجنسی کی رپورٹ کے مطابق، مجلس وحدت مسلمین شعبۂ مشہد مقدس کی طرف سے برائے بلندی درجات شھید القدس سردار سلیمانی، کرمان واقعہ کے شھداء اور مرحوم و مغفور حاجی محمد نواز خان بلوچ (والد گرامی عقیل حسین خان مسئول شعبہ مشھد) اور مفسر قرآن استاد آیت اللہ شیخ محسن علی نجفی اعلی اللہ مقامہ کے ایصال ثواب کے لئے قرآن خوانی اور مجلس عزاء منعقد ہوئی۔

تفصیلات کے مطابق، پروگرام کا آغاز تلاوت کلام اللہ سے ہوا جسکی سعادت جناب برادر قاری اجمل حسین نے حاصل۔ ایک قرآن مجید پڑھ کر ثواب شھدا اور مرحومین کی ارواح کو ھدیه کیا گیا۔

حجۃ الاسلام والمسلمین الفت حسین جویا نے والد کے مقام کو آیات روایات اور احادیث کی روشنی میں بیان فرمایا۔

پروگرام کے دوسرے مہمان خطیب اور حرم امام رضا علیہ السلام کےغیر ایرانی زائرین کے (Assistant for non-Iranian pilgrims) مسئول جناب حجۃ الاسلام والمسلمین ذوالفقاری نے شھید القدس سردار سلیمانی کی آفاقی شخصیت کے مختلف پہلووں پر گفتگو فرمائی. علمائے عظام،طلاب کرام کی کثیر تعداد نے پروگرام میں شرکت فرمائی۔