حوزہ نیوز ایجنسی کی رپورٹ کے مطابق، آسمان امامت کے آخری تاجدار، مستضعفین جہاں امام مہدی (عج) کی ولادتِ باسعادت کے موقع پر مرکزی خانقاہ معلیٰ کھرمنگ میں ایک عظیم الشان جشن منعقد ہوا۔
جشن میں مشہور و معروف عاشقانِ ولایت و امامت بلتی قصیدہ خواں اور منقبت خواں حضرات نے امام عالی مقام کے حضور گلہائے عقیدت پیش کئے۔
صدر محفل جید عالم دین حجت الاسلام والمسلمین محمد عابد حسین حافظی نے نظام مہدویت و ولایت اور سیرت آئمہ طاہرین علیہم السّلام پر روشنی ڈالی۔
مشتاق حسین، عقیل حانی، یاسر علی، محمد حسین، عرفان حیدر، مجتبی حسن اور عباس صابری سمیت دیگر منقبت خوان حضرات نے بہترین انداز میں نذرانہ عقیدت پیش کیا۔
خطیب محفل نے تاریخ ساز نورانی محفل کے انعقاد پر تمام مؤمنین و منتظمین محفل کو خراجِ تحسین پیش کیا اور امام زمانہ عجل اللہ تعالٰی فرجہ الشریف کی ولادتِ باسعادت اور زندگی و ظہور کے مختلف پہلوؤں پر سیر حاصل گفتگو کی۔
