حوزہ نیوز ایجنسی کے مطابق، آسٹریلیا کے معروف مذہبی رہنما حجت الاسلام اشفاق وحیدی نے آسٹریلیا کے کیپٹل شہر کانبرا میں نماز جمعہ کے اجتماع سے گفتگو کرتے ہوئے کہا: اسرائیل کی سیاہی کاریاں کھل کر دنیا میں سامنے آ گئی ہیں۔ ہر ذی شعور شخص سمجھ چکا ہے کہ تمام خطوں میں اسرائیل امن کے لیے بہت بڑا خطرہ ہے۔
انہوں نے کہا: دہشت گردی، فرقہ واریت اور ظلم و زیادتی کے پیچھے استعاری طاقتیں کارفرما ہیں۔ محروموں مظلوموں کا سہارا واحد نظام ولایت ہے جو تمام کے حقوق کے تحفظ کا ضامن ہے۔
حجت الاسلام اشفاق وحیدی نے کہا: اپنے حقوق کے حصول کے لیے جو بیداری کی تحریک چلی ہے اس کی حمایت اور مدد ہونی چاہئے تاکہ فلسطین، یمن، عراق، بحرین، افغانستان کی مظلوم عوام پر سے ظلم کا خاتمہ ہو سکے اور لوگ سکھ کا سانس لے سکیں۔
