حوزہ نیوز ایجنسی کے مطابق، راولپنڈی میں قائد ملت جعفریہ پاکستان علامہ سید ساجد علی نقوی کے حکم پر نکالی گئی ریلی سے خطاب کرتے ہوئے شیعہ علماء کونسل کے مرکزی نائب صدر علامہ عارف حسین واحدی نے کہا: فلسطین کے لئے پوری امت مسلمہ ہاتھوں میں ہاتھ دئے متحد کھڑی ہے۔
انہوں نے مزید کہا: اب یہ مسلم حکمرانوں کی ذمے داری بنتی ہے کہ وہ غزہ کے مظلوموں کے لئے عملی قدم اٹھائیں اور جو مسلم حکمران غاصب اسرائیل سے سفارتی تعلقات بڑھانے کی کوششوں میں مگن اور غزہ میں مظالم پر خاموش ہیں انہیں بھی غیرت عملی کا مظاہرہ کرنا ہو گا۔
علامہ عارف حسین واحدی نے کہا: فلسطینیوں کا بے گناہ خون عنقریب رنگ لائے گا اور غاصب اسرائیل صفحہ ہستی سے مٹ جائے گا، قبلہ اول بیت المقدس آزاد ہوگا اور دنیا میں امن کا بول بالا ہو گا۔
