حوزہ نیوز ایجنسی کے مطابق، شیعہ علماء کونسل پاکستان کے مرکزی نائب صدر، ملی یکجہتی کونسل پاکستان کے مرکزی رہنما اور ITP کے وائس پریزیڈنٹ علامہ عارف حسین واحدی نےمرکزی امام بارگاہ قصر ابوطالب ع چیچہ وطنی میں عزاداروں کے اجتماع سےخطاب کرتے ہوئے مقصد شہادت امام حسین علیہ السلام بیان کیا۔

انہوں نے مجلس عزا کے دوران مظلوم کربلا علیہ السلام کے مصائب شہادت بیان کیے اور شبیہ ذوالجناح برآمد کرائی۔

قابل ذکر ہے کہ علامہ عارف حسین واحدی کے خطاب کے دوران نواسہ رسول (ص) کی یاد منانے کے لیے بڑی تعداد میں اہل سنت حضرات بھی مجلس عزا میں شریک ہوئے۔