نتیجئہ فکر: سید ابراہیم حسین ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدائے انقلاب!
کوئی تو ہے جو کھو گیا۔۔۔کہ اشک آپ ہو گیا
جگا جگا کے وقت کو۔۔۔ابھی ابھی جو سو گیا
ہماری آن بان تھا۔۔حسینیت کی شان تھا
وہ خامنہ ای کے لئے۔۔۔سکون کی چٹان تھا۔۔
مگر نہ توڑ حوصلہ۔۔رکے گا اب نہ قافلہ
شہید کا یہ خون ہے۔۔۔سجا بھی دے گا کربلا
مکان میں مکین میں۔۔۔فلک میں یاکہ چین میں
منائیں اپنی خیریت۔۔۔جو چھپ گئے کمین میں
سنا پہ آفتاب ہے۔۔۔عجیب اضطراب ہے
جہاں میں آج چار سو۔۔۔صدائے انقلاب ہے
غموں سے اب نجات ہو جہاں سے چل کے بات ہو
کدورتوں کو توڑ کر۔۔۔ ہر ایک ساتھ ساتھ ہو
یہ من و ان کو چھوڑ دو۔۔۔خودی خودی کو توڑ دو
حسینیت کی طرز پر۔۔جہاں کے رخ کو موڑ دو
مقام اپنا ایک ہو۔۔۔قیام اپنا ایک ہو
برائے دین مصطفیٰ۔۔۔پیام اپنا ایک ہو
خودی کو اب دکھائیں گے۔۔۔جہاں پہ ایسے چھائیں گے
امام تیری راہ کو عمل سے ہم سجائیں گے
جگا لو دل میں ولولہ۔۔فضا میں کردو زلزلہ
تشددوں کے دور میں۔۔۔سجا دو پھر سے کربلا
